Pontevedra> Afundación e o Ámbito Cultural do Corte Inglés conceden os seus premios de xornalismo a María Varela e Miguel Anxo Murado. Varela recibe o Fernández del Riego e Murado o Julio Camba. Uns premios, dotados cada un deles con 6000 euros, e aos que se presentaron un total de 153 artigos. O premio Fernández del Riego e o Julio Camba de xornalismo, convocados por Afundación e o Ámbito Cultural de El Corte Inglés, distinguíronse hoxe respetivamente a María Varela polo seu artigo “Cóxegas e tortas” publicado no Diario de Pontevedra o 29 de abril do 2016 e a Miguel Anxo Murado polo texto “El cedazo de los días” publicado na Voz de Galicia o 31 de decembro do pasado ano. O premio Julio Camba, ao que se presentaron 136 traballos, cumpre a súa trixésimo oitava edición, mentres que o Fernández del Riego, que celebra a súa décimo cuarta convocatoria concorreron 17 artigos. Cada un dos premios, para os textos publicados entre o 1 de xaneiro e o 31 de decembro de 2016 está dotado con 6000 euros. O xurado, fixo públicos os nomes dos gañadores tras reunirse esta mañá na Sede da Fundación.
Inicio PONTEVEDRA
