‘Peter Brandon’: webserie e falso documental sobre a comedia en Galicia

PONTEVEDRA> O Teatro Principal será mañá o escenario da posta de longo pontevedresa de ‘Peter Brandon’. Trátase dunha webserie que nace da man do guionista pontevedrés Óscar Cruz, e que fai un percorrido pola vida do cómico galego Pedro Brandariz. A cita será ás 8 e media da tarde, con entrada de balde ata completar aforo. Peter Brandon é o nome artístico co que se vende Pedro Brandariz, un cómico galego que busca facerse un oco no duro mundo do audiovisual autóctono. A webserie é, polo tanto, unha sorte de falso documental que nace da man do guionista pontevedrés Óscar Cruz. Por ela pasarán tamén coñecidos actores do audiovisual galego, como Touriñán, David Amor ou Isabel Risco. A primeira tempada de ‘Peter Brandon’ está pensada para ter sete capítulos. Polo de agora, a falta de financiamento só lles permitiu gravar tres. Un deles, ademais, en Pontevedra. A estrea pontevedresa será mañá no Teatro Principal, aínda que esta webserie chega avalada pola crítica e por varios galardóns, entre eles o premio ao mellor proxecto de webserie en galego do Carballo Interplay. A cita comezará ás 20.30. A entrada será de balde ata completar aforo.

DEIXAR UNHA RESPOSTA

Por favor, engade un comentario!
Por favor, engade o teu nome aquí