POBRA> Tarde, mal e arrastro. Esta é a valoración que fai o BNG da Pobra respecto á presentación dos presupostos municipais por parte do equipo de goberno. Os nacionalistas consideran que a estas alturas do ano, a menos de tres meses para o remate do ano, non é momento para levar adiante o documento orzamentario. ‘Un remexido de propostas de pouco valor’. Con estas palabras referíase o voceiro do BNG Ramiro Ouviña ó documento orzamentario presentado polo goberno de Nós Pobra. Para el este non é o momento de sacar adiante o presuposto, a escasos tres meses para o remate do ano,. Os nacionalistas sinalan ademais que de aprobarse este documento orzamentario volvería a repetirse a situación vivida o ano pasado, no que foi imposible poder executar boa parte das actuacións. Ademais botan en falla boa parte dos compromisos que o equipo de goberno adquiriu xa con eles para sacar adiante os orzamentos de 2016 e que aínda non se levaron a cabo. Por esta razón instan ó executivo a continuar cos presupostos prorrogados como ata o de agora e traballar xa no deseño dos do ano que vén.
Inicio Barbanza - Muros - Noia
