Pontevedra> Os orzamentos do 2018 para Pontevedra xa quentan motores e iso é algo que se nota no ambiente. Esta mañá dende o grupo Marea presentaron un plan de emprego xuvenil para a cidade para que se inclúa no borrador destes orzamentos. Un requisito imprescindible para que dende este partido se absteñan ou aproben as contas do vindeiro ano. Ante o proceso de negociación dos orzamentos que previsiblemente comezará a vindeira semana, dende o Grupo Marea de Pontevedra veñen de presentar un plan de emprego xuvenil, unha iniciativa centrada nos mozos da cidade que sofren o desemprego. Este plan estaría destinados a menores de 30 anos desempregados, contaría cun total de 102 prazas das cales o 60 por cento irían destinadas ás mulleres e o 40 por cento restante a homes. O fin desta iniciativa é que o concello asuma un papel máis activo na loita contra o desemprego. 610 mil euros irían destinados a este plan de emprego xuvenil, para o aluguer de algún local e o pago dos monitores. Dende Marea propoñen que se xestione todo dende unha oficina de emprego que conte cun coordinador . Este plan xuvenil de emprego será unha medida imprescindible para o apoio ou abstención dos orzamentos do 2018. TOTAL Para estes orzamentos dende Marea no capítulo dous pediría manter cartos para a renda social e incrementar algo esta partida, manter o compromiso da integración no transporte metropolitano e este plan xuvenil de emprego.
Inicio PONTEVEDRA
