Noia acolle unha gala benéfica de patinaxe en favor de Manos Unidas

NOIA> O pavillón municipal de Noia acollerá este domingo unha Gala Benéfica de Patinaxe. Tódolos fondos recadados a través dos donativos destinaranse ó proxecto educativo que desenvolve Manos Unidas en Tánger. Oito clubs de patinaxe de toda Galicia e a escola deportiva municipal de Noia participarán na Gala Benéfica que se celebrará este domingo a partir das cinco e media no pavillón municipal. Os asistentes deberán aboar un donativo de tres euros co que entrarán nun sorteo de agasallos doados por varias casas comerciais. Os fondos recadados irán destinados a Manos Unidos que traballa nun proxecto de inclusión educativa no norte de África. O evento está organizado polo concello e o club de patinaxe vila de Noia que, na súa corta traxectoria, xa ten desenvolvido numerosas actividades para potenciar este deporte con grande tradición na comarca.

DEIXAR UNHA RESPOSTA

Por favor, engade un comentario!
Por favor, engade o teu nome aquí