Pontevedra> O Concello de Pontevedra impulsa unha ferramenta de análise do territorio para definir un plano de devasas anti lumes forestais. Un traballo importante para a masa forestal do concello que se realizará entre o concello, a universidade e Mancomunidades de Montes.
Dende o Concello de Pontevedra en colaboración coa Comunidade de Montes e a Universidade van a elaborar unha ferramenta que permita analizar en profundidade e criterios obxectivos todo o terreo da cidade e parroquias, co fin de saber onde e de que maneira é máis productivo e se aproveita mellor os recursos á hora de loitar contra os lumes forestais.
Un proxecto que consiste, tal e como nos explicou esta mañá o ténico forestal, en definir redes de protección.
O proxecto estará rematado en 6 meses, pero antes cos datos que vaian tendo xa se irá traballando sobre a zona. Trátase dun paso moi importante para a loita contra os lumes en Pontevedra.
Esta tarde o concelleiro, xunto cos representantes da Universidade da Mancomunidade e das comunidades de Montes de Pontevedra mantivo unha reunión para darlle a coñecer a ferramenta de análise do territorio que axudará a definir un plano de devasas anti lumes e a mellorar a xestión das masas forestais continuas.
