NOIA> Noia prepárase para acoller os actos do oitocentos cincuenta aniversario da fundación da cidade. Entre o nove e o trece de abril, diversos historiadores participarán nas xornadas divulgativas que se desenvolverán no Coliseo Noela. O encargado de inaugurar as xornadas, o luns nove de abril será o historiador Xerardo Agrafoxo cunha charla sobre a carta fundacional de 1168. Nos días sucesivos intervirán Clodio González Pérez que abordará a historia dos topónimos Noia e Compostela; o xeógrafo Pedro García Vidal cunha conferencia sobre a orixe medieval do Portus Apostoli ou a arqueóloga Manuela Pérez Mato cunha intervención sobre o Totum Bonum e o seu territorio. O espectáculo de danza O Periplo de Arnolfo e a exposición d pintura de Domingo Filgueira completan a programación das xornadas. Ademais durante toda a fin de semana desenvolveranse outro tipo de actos conmemorativs da carta fundacional que serán presentados próximamente.
Inicio NOIA
