NOIA> A adxudicación da redacción do proxecto do centro de saúde de Noia supón un novo avance na tramitación desta gran obra que podería ser unha realidade a finais do 2027. A intención da Consellería de Sanidade é poder licitar as obras ó longo deste ano. O prazo de execución é de dous anos e medio.
Satisfacción en Noia trala recente adxudicación da redacción do proxecto do futuro centro de saúde. Estes avances na tramitación confirman o cumprimento dos prazos previstos pola Xunta que agarda poder licitar as obras entre finais deste ano e principios de 2026.
O novo equipamento contará cunha superficie construída de 4200 metros cadrados na que ademais de tódolos servizos do proio centro de saúde, albergará un Punto de Atención Continuada para toda a comarca.
A parcela na que se emprazará dispón ademais de superficie para o estacionamento na que se prevé habilitar unhas 350 prazas.
