RIBEIRA> Os alumnos da Escola Municipal de Ballet de Ribeira amosarán sobre as táboas todo o aprendido ó longo deste curso. Fáranno este domingo no festival de clausura que terá lugar ás oito da tarde no auditorio municipal. Ó redor de setenta bailaríns subirán ó escenario este domingo no auditorio de Ribeira. Abrirán o programa as alumnas máis pequenas de entre catro e seis anos coa coreografía da pantera rosa. Tomarán o relevo os maiores coa adaptación de varios números do musical La La Land. O festival rematará coa actuación da mestra Cristina Riveiro acompañada de varios alumnos e a entrega de diplomas. A entrada é de balde aínda que será preciso retirar invitación media hora antes do inicio da función na porta do auditorio.
Inicio BARBANZA
