As altas temperaturas manteñen a Galicia en risco extremo por incendio

BARBANZA> As Rías Baixas e o interior de Pontevedra, ó igual que a práctica totalidade de Galicia, permanecen en risco extremo por incendio. A vaga de calor que se manterá nas próximas xornadas elevou ó nivel vermello a probabilidade de incendios forestais polo que a Consellería do Medio Rural chama a extremar as precaucións. Por esta razón dende o departamento autonómico fan un chamamento á tranquilidade posto que a Xunta ten despregado dende o inicio da tempada estival un amplo dispositivo de prevención e loita contraincendios coa dotación de cámaras de videovixilancia. Lembran tamén a importancia da implicación veciñal á hora de informar dos conatos ou identificar ós posibles incendiarios, a través do teléono 085.