O verán despídese de Pontevedra cunha ocupación do 72,61% en setembro

Pontevedra> Setembro deixou unha ocupación media do 72,61 por cento na provincia. Trátanse duns datos, segundo a Presidenta da Deputación, excelentes para Pontevedra. Uns datos que poñen enriba da mesa o bo facer da institución provincial, dos concellos e da hostalería nas Rías Baixas.

A presidenta quixo amosar nesta xornada a súa satisfacción polos datos que o turismo deixou na provincia de Pontevedra durante o mes de setembro, acadando unha ocupación media do 72,61 por cento.

Por comarcas o Salnés chegou ao 76 por cento, Pontevedra ao 87,5  e Caldas ao 92 por cento. Datos positivos que tamén se repiten no turismo rural onde a ocupación chegou ao 50 por cento no mes de setembro.

Con todo, a presidente agarda que o mes de outubro tamén deixe datos positivos para a provincia, xa que se trata dun mes que conta  coa celebración de festas gastronómicas importantes como é a do marisco, no Grove.