PONTEVEDRA> A Fundación Banco de Alimentos busca voluntarios para a Gran Recollida que se celebrará o 30 de novembro e o 1 de decembro en medio centenar de superficies comerciais da comarca de Pontevedra. Precísanse unhas 500 persoas para colaborar con esta acción que pretende acadar 160.000 quilos de alimentos.
O Presidente da Fundación Provincial Banco de Alimentos e o responsable da ONG na cidade, fixeron esta mañá un chamamento á cidadanía para que participen como voluntarios na campaña solidaria que se celebrará a finais de mes.
Con esta acción preténdese dar solución ó desabastecemento actual do almacén pontevedrés, que reparte comida entre 32 entidades homologadas.
A axuda chega a unhas 5.000 persoas con dificultades.
As persoas interesadas en facerse voluntario poden cubrir un formulario colgado na web bancoalimentosvigo.org ou chamar ó teléfono 986 865 301.
O vindeiro 14 de novembro a Fundación Banco de Alimentos presentará o personaxe público que actuará como “embaixador” na Gran Recollida Solidaria, e que este ano será pontevedrés.
