POBRA> O delegado territorial da Xunta na Coruña, Ovidio Rodeiro, visitou as instalacións de Ecoplás Barbanza na Pobra. Esta empresa é unha das beneficiadas por dúas liñas de axuda do programa Conecta Peme que promove a Xunta para desenvolver proxectos relacionados coa nanotecnoloxía, a enerxía e o medio ambiente ou a saúde.
Ecoplas Barbanza participa no programa Conecta Peme da Consellería de Economía a través de dous innovadores proxectos enfocados á xeración de mallas biodegradables para envases a partir de residuos.
Na comarca do Barbanza cinco empresas acolléronse a este programa cofinanciado pola Xunta que busca promover o I+D+I en moi distintos ámbitos empresariais para favorecer a competitividade das nosas empresas.
En total, en toda a provincia serán noventa as empresas que se acollan a este programa cun investimento próximo ós once millóns e medio de euros.