PONTEVEDRA> O Pazo de Mugartegui acolleu a pasada noite a entrega do segundo Premio Cámara de Comercio ó Proxecto Innovador Forestal. A iniciativa galardoada foi SmartWood, polo súa plataforma web e móbil para a mellora do rendemento de parcelas forestais. Ó acto asistiron o vicepresidente da Xunta e o conselleiro de Medio Rural que destacaron a importancia do sector en Galicia.
O II Premio Cámara de Comercio ó Proxecto Innovador Forestal recoñeceu á plataforma Smartwood, que funciona coma “asesor forestal” proporcionando información sobre parcelas xeolocalizadas mediante o seu marketplace de servizos forestais. A aplicación proporciona datos sobre especies permitidas, marcos de plantación adecuados e rendemento madereiro potencial.
O galardón, incluído dentro do Plan Social impulsado pola Xunta de Galicia coa empresa Ence, ten unha dotación de 5.000 euros para o primeiro premio, e de 2.000 euros para o accésit, que foi concedido ó proxecto Iforest.
Ó acto asistiron o vicepresidente da Xunta e o conselleiro de Medio Rural, que destacaron a importancia das propostas para un sector tan relevante en Galicia.
Os dous proxectos premiados foron destacados por unanimidade de entre os 19 candidatos presentados a esta convocatoria.
