PONTEVEDRA> O PP local compareceu esta mañá para analizar os últimos datos da Enquisa de Poboación Activa. Rafa Domínguez mostrouse preocupado polos datos de Pontevedra, que rexistra unha taxa de paro do 16,4%, dous puntos por riba do conxunto de España e máis de catro por riba da porcentaxe galega.
O PP de Pontevedra está preocupado polos datos de emprego do municipio. Rafa Domínguez explicou esta mañá en rolda de prensa que os datos da última EPA, positivos para España e Galicia na comparativa interanual, son, sen embargo, negativos para a cidade. Destacou que Pontevedra se sitúa á cola das sete cidades galegas.
Domínguez acusou ó goberno local de non tomar medidas con respecto ó emprego e lembrou as propostas do seu grupo político.
Ademais das iniciativas xa declaradas, anunciou que nas vindeiras semanas presentará medidas específicas para a xeración de emprego en Pontevedra.
