PONTEVEDRA > O Instituto Luis Seoane de Monte Porreiro foi premiado recentemente pola iniciativa “Obxectivo: Igualdade”. Un proxecto que naceu fai catro anos para fomentar a igualdade de xénero entre os alumnos de secundaria.
O alumnado do Instituto Luis Seoane de Monte Porreiro foi premiado recentemente pola posta en marcha dun proxecto de innovación en Igualdade. O centro é moi coñecido polas diversas iniciativas que leva a cabo todos os anos.
A actividade tivo gran acollida no centro e, sobre todo, nas aulas, onde se comezou a valorar máis a importancia da igualdade de xénero como valor social e persoal.
A proposta desenvolveuse ao longo do curso no instituto grazas á implicación persoal dos estudantes contra a violencia machista.
O premio que recibiron en Madrid ten moito que ver coa traxectoria e coa continuidade no programa de igualdade. O xurado premiou a súa persistencia, xa que non se trata dunha iniciativa illada e puntual. Dende o centro, xa puxeron en marcha diversas actividades que seguen a mesma liña.
Grazas a iniciativas coma esta o panorama social e educativo está cambiando cara un novo modelo máis comprometido e concienciado en materia de inclusión e igualdade de oportunidades.
Comments are closed.