PONTEVEDRA > O comandante da Garda Civil de Pontevedra acusado de manter relacións sexuais cunha vítima de violencia de xénero, proclamou a súa inocencia dos delitos de solicitude sexual, negociación e actividade prohibida ao funcionario e abuso da súa función polos que foi sentado no banquillo da Audiencia Provincial de Pontevedra. Sen embargo, a vítima ratificou a súa denuncia e asegurou que o axente lle insistiu en que acudise a súa vivenda e mantivese relacións sexuais con ela a cambio de axuda economía e de protección fronte a súa ex parella. Por razón do seu cargo, o brigada tiña coñecemento de que a muller exercía a prostitución e consumía drogas e, por iso, segundo ela, o home invitouna a cear e ofreceuse a pagar o aluguer do seu piso. Tras manter relacións sexuais, a muller reclamoulle o diñeiro prometido do aluguer pero o acusado, segundo a vítima, negoulle os cartos porque dixo “que non fora o que agardaba”. A fiscalía pide para o axente ano e medio de prisión e inhabilitación de sete anos. O xuízo quedou visto para sentencia.
