A ILLA> 13 días de eventos culturais na Illa para conmemorar o día Das Letras Galegas. Os actos comezarán o día 4 co VI encontro de corais e pecharán o 17 ca tradicional botadura da Dorna.
A Illa de Arousa presentou a súa axenda cultural para conmemorar o Día das Letras Galegas. Os eventos comezarán o día 4 co sexto encontro de corais e continuarán con diferentes actos como concertos, obras de teatro ou presentacións de libros. O peche será o día 17 co tradicional “Letras no mar”.
Un dos actos máis emotivos terá lugar o venres 10 coa presentación do libro Historia do Céltiga. Que comezou escribindo Alejandro García pero rematou Juan Otero.
Entre as actuacións máis importantes destaca a de Pauliña, o martes 14, dirixida ó alumnado do colexio Torre da Illa.
As actuacións son gratuítas agás as obras de teatro, que terán un custo de entre 3 e 5 euros para os maiores de 16 anos e de un a tres euros para os menores.
