POIO> En Poio os posibles pactos non están tan claros. O Partido Popular, con Ángel Moldes á fronte, conseguiu mellorar os resultados de hai catro anos logrando 8 edís. A un da maioría absoluta. Con estes datos, se Luciano Sobral quere seguir no poder deberá facelo cun tripartito, entre o BNG, o PSOE e a nova incorporación de Avante Poio. Parece que non será doado. Silvia Díaz, de Avante Poio, é a chave do vindeiro goberno.
O Partido Popular gañou as eleccións con 8 concelleiros, pero non o terá doado para gobernar. En fronte está o BNG de Luciano Sobral. Con 5 concelleiros, intentará formar un tripartito co PSOE, que conseguiu manter os 3 edís, e Avante Poio, que aparece na política local con 1. Por iso, agora todos tenden a súa man a Silvia Díaz. Antiga concelleira do BNG, podería dar o seu apoio ao Partido Popular.
Mentres Silvia Díaz non toma a decisión, os candidatos das dúas forzas máis votadas valoran os resultados obtidos nestas eleccións. De momento o futuro é incerto. De non producirse o tripartito, só con que Silvia Díaz se abstivese ou se votase a si mesma Ángel Moldes sería o novo alcalde de Poio.
