VILAGARCIA> O Concello de Vilagarcía iniciou unha nova edición do campamento de verán. En total 90 nenos e nenas gozarán das diferentes actividades durante xullo e agosto. 0 63% que asistirán ao comedor farano de maneira gratuíta.
A concellería de Xuventude de Vilagarcía pon en marcha o campamento de verán. Nesta edición a oferta é de 90 prazas. Ademais, seguindo uns parámetros de renda, o concello asumirá o coste do comedor de gran parte dos nenos.
O campamento é un proxecto educativo cunha programación moi diversa na que se tratan moitos temas transversais.
A temática deste ano é a da lectura a través das obras de diferentes mulleres que foron importantes na historia.
O concello busca con este campamento favorecer a conciliación familiar. Neste sentido súmase a outras iniciativas do concello como o plan Madruga ou Concilia Tarde.