CAMBADOS> O PP de Cambados di estar preocupado polo comercio local. Os populares propoñen crear unha zona azul ou baixa-las taxas municipais para revitalizalo. Van levar o asunto ó vindeiro pleno municipal.
O Partido Popular de Cambados mira con preocupación o futuro do pequeno comercio da localidade. Os populares veñen de manter xuntanzas con representantes do sector e tamén do hostaleiro. Din que os establecementos non están a pasar unha boa racha, polo que cómpre pasar á acción. Hoxe entregaron por rexistro unha moción centrada neste asunto.
Entre as medidas que propoñen os populares, facilita-lo estacionamento de vehículos nas proximidades das tendas. Entenden que o aparcadoiro da rúa nova non chega, polo que cren acertado crear unha zona azul, que axilice a entrada e saída de vehículos.
No PP tamén poñen o foco nas taxas municipais. Cren urxente unha rebaixa para aliviar ós comerciantes.
Estas propostas serán presentadas no vindeiro pleno municipal.
