Boas vendas do polbo e a nécora no inicio da nova campaña

CAMBADOS> Esta semana comezaron as campañas do polbo e a nécora. Segundo as praceiras de Cambados a captura do cefalópodo comezou mellor ca da nécora. Os prezos oscilan entre os 10 e os 12 euros para o polbo e entre os 17 e os 45 euros, dependendo do tamaño, para o crustáceo.

Esta semana púxose fin á veda do polbo, a nécora e a lagosta. Os dous primeiros son dous dos produtos máis demandados nos mercados galegos. Segundo as praceiras de Cambados a campaña do polvo está por riba do agardado en canto a cantidade, caso contrario co da nécora.

O prezo do polbo está máis barato ca noutras ocasións. Na praza de Cambados oscilaba entre os 10 e os 12 euros o kilos. No caso da nécora o valor depende do seu tamaño.

Nos primeiros día de campaña, ambos produtos tiveron unhas boas vendas.

As vendedoras agardan ter unhas boas vendas durante o verán. No caso do polbo aseguran que é a época con máis demanda do ano. A tempada alta da nécora é o nadal, pero fora desas datas o mellor mes aseguran que é agosto.