Cambados e o GALP da Ría de Arousa levan a 25 nenos e nenas a coñecer o marisqueo

CAMBADOS> As nenas e nenos das ludotecas de Cambados puxéronse hoxe a roupa de augas para baixar a mariscar. A actividade englóbase dentro do proxecto “Un futuro sostible para a nosa ría” realizado polo GALP da Ría de Arousa. Coñecer os traballos do mar e aprender a coidar a ría son os obxectivos deste programa.

Dende o pasado xuño o Galp da Ría de Arousa está  a levar a cabo o programa “Un futuro sostible par a nosa ría”. Mediante este proxecto realiza diversas actividades de concienciación das problemáticas medioambientais da ría. Hoxe foi a quenda dos rapaces e rapazas das ludotecas de Cambados.

Os preto de 25 nenas e nenos de Cambados coñeceron como traballan as mariscadoras.

Polo de agora máis de 200 rapaces e rapazas e case 300 persoas participaron neste proxecto. O obxectivo é que coñezan os traballos do mar e as problemáticas medio ambientais da ría.

Outra das actividades que realiza este programa é a de amosar a contorna natural do arquipélago de Cortegada.