As xornadas micolóxicas da Pobra incorporan unha saída ó campo

POBRA> Cada ano que pasa, as xornadas micolóxicas da Pobra van gañado peso en canto a actividades e contidos. Esta terceira edición arranca o mércores cunha charla introdutoria para aqueles participantes que inician a súa andadura no mundo micolóxico. O venres, será o especialista Jaime Blanco Dios o encargado de impartir unha conferencia sobre as cantareláceas. Serán ás oito e media no auditorio Valle-Inclán.

O programa deste ano inclúe dous obradoiros nos que os participantes aprenderán a cultivar algunhas especies de cogomelos así como as propiedades culinarias e as características de conservación.

As xornadas rematarán o domingo cunha saída ó campo para aprender a diferencias as especies aptas para o consumo das que non o son. Durante esta xornada, procederase á entrega de premios do concurso fotográfico convocado con motivo destes encontros. Será na casa mariñeira que tamén acollerá unha exposición de cogomelos.