BOIRO> A Asociación Boirense de Empresarios organiza dúas actividades co obxectivo de dinamizar as vendas. O venres celebrará o ‘Black Friday’ e o sábado, unha nova edición da ‘Noite Aberta’. Os establecementos participantes nas dúas campañas ofrecerán importantes descontos ós seus clientes.
A ABE presentou esta mañá dúas das campañas comerciais que desenvolverá esta fin de semana e na que participan os seus comercios asociados. O venres celebrarán o ‘Black Friday’ e o sábado a ‘Noite Aberta’.
Nesta última actividade tomarán parte uns 25 comercios que ofrecerán importantes descontos ós seus clientes. Este ano cunha novidade, xa que na campaña participará por primeira vez a hostalería.
Os locais participantes estarán identificados cunha bandeirola de cor rosa. Dende a patronal local aproveitaron o acto para facer unha chamada ó resto de comercios que non forman parte da asociación para que se asocien e así poder seguir realizando campañas deste tipo, que buscan darlle un maior pulo ó sector.
Dende o Concello ven con bos ollos este tipo de iniciativas.
O Concello decidiu tamén este ano coma novidade retrasar o acendido da iluminación de Nadal que nos últimos anos coincidía coa celebración da ‘Noite Aberta’. Será finalmente o sábado sete de decembro para darlle todo o protagonismo a este acto. Os encargados do acendido serán os usuarios da asociación Amicos.
