POBRA> Todo a punto na Pobra para celebrar un entroido esperpéntico. Boa parte da programación estará dedicada a Valle-Inclán cunha festa ambientada nos anos 20 e 30 e a proxección de ‘Los Cuernos de Don Friolera.
A programación de entroido na Pobra arrancará este venres cunha festa infantil en colaboración coas ANPAS na Praza Maior e a discomóbil nocturna para mozos.
O sábado desenvolverase por segundo ano o entroido esperpéntico ambientado nos anos 20 e 30. O Cantón da Leña retrocederá un século cos veciños caracterizados de época que poderán participar nas actividades a desenvolver durante toda a xornada.
Este entroido esperpéntico complementarase coa proxección dunha versión de ‘Los Cuernos de Don Friolera’ e a exposición ‘Vístete de entroido’ con máscaras e figuríns inspirados na obra de Valle.
O domingo 23 terá lugar a festa infantil con concurso de disfraces inspirada en temática espacial. E o martes, o gran desfile de carrozas percorrerá as rúas da Pobra.
No caso de presentarse máis de sete carrozas, os mil catrocentos euros de gratificación repartiranse entre tódolos participantes.
