MADRID> Cambados presentou en Fitur a nova campaña para o seu escumoso. Fíxoo nun acto desenvido no propio stand de Turismo de Galicia, dentro das actividades promocionais da Mancomunidade do Salnés. A iniciativa impulsada polo Concello conta coa colaboración da Denominación de Orixe Rías Baixas.
Cambados estreou esta tarde en Fitur algo diferente en relación a campañas desenvolvidas en edición anteriores. Aínda que o albariño se mantivo como eixo condutor foron os escumosos os que centraron toda a atención. Un produto con grandes posibilidades e que cada vez está a ter unha maior aceptación.
Precisamente aproveitouse a ocasión para presentar as VIII Xornadas de Viños Escumosos que se desenvolverán do 14 ó 16 de febreiro con degustacions, música, catas e cursos de formación. Unha iniciativa coa que busca ademáis a desestacionalización do turismo.
O acto rematou coma non podía ser doutro xeito cun brinde.
