NOIA> A Marea de Noia volve a mostrar a súa preocupación pola actual situación económica do Concello. O voceiro da formación, Manolo Seijas, acusa ó executivo de mala xestión.
A Marea de Noia incide na mala situación económica do Concello. Dende a formación apuntan á existencia de facturas do ano pasado sen consignación por importe de 700 mil euros, que, segundo eles, haberá que abonar con cartos do ano 2020, o que traerá consigo unha merma importante nos investimentos.
Tamén fan referencia ó pago a provedores, cun aumento importante no período medio de pago. Actualmente son 58 días. O que supón un incremento nun tres mil por cento con respecto ó ano anterior.
Outra das súas queixas fai referencia a que o Concello leva dende o ano 2018 sen orzamento, o que, segundo eles, provoca restricións orzamentarias e menor capacidade de investimento. Algo que segundo eles vai en detrimento dos servizos que se lle prestan a diario ós veciños.
