Lousame e Noia comparten un novo obradoiro de emprego

LOUSAME> Na experiencia formativo-laboral presentada esta mañá participarán unhas vinte persoas en situación de desemprego. A especialidade a impartir será de aproveitamento forestal.

Esta mañá arrancaba un novo obradoiro de emprego que desenvolverán de xeito conxunto os concellos de Lousame e Noia. Na iniciativa formativo-laboral subvencionada pola Xunta, a través da consellería de Economía, Emprego e Industria, participarán un total de vinte persoas en situación de desemprego. Serán nove meses de formación, na que a parte teórica se complementará coa realización de traballos de aproveitamento forestal e conservación e mellora de espazos públicos en ámbolos dous municipios.

Dende a Xunta, destacaron tamén a importancia da iniciativa que a través da formación permitirá mellorar as posibilidades de acceso ó mercado laboral das persoas participantes, nun sector ademais coma o forestal con ampla demanda nas empresas da zona.

DEIXAR UNHA RESPOSTA

Por favor, engade un comentario!
Por favor, engade o teu nome aquí