A arte e a natureza únense no proxecto “Camiño A Dentro”

PONTEVEDRA> Dun proxecto que comezará nos vindeiros meses pasamos a outro que foi clausurado esta mesma mañá. A Deputación de Pontevedra e a Xunta de Galicia fixeron hoxe un balance da iniciativa “Camiño A Dentro”. Un programa que naceu para poñer en valor o Camiño Portugués e que conta xa cun catálogo e cun audiovisual.

“Camiño A Dentro” foi unha iniciativa promovida pola Deputación de Pontevedra e a Xunta de Galicia e enmarcada dentro do programa “O teu Xacobeo”. O obxectivo era poñer en valor o Camiño Portugués ao mesmo tempo que se facía un recoñecemento ás mulleres artistas da provincia. O proxecto desenvolveuse do 3 ao 25 de outubro e implicáronse 10 Concellos.

Cos 10 proxectos seleccionados púxose en valor a natureza e riqueza da nosa provincia a través de pezas de música, danza, poesía, fotografía e vídeo ou mesmo microteatro.

O proxecto “Camiño A Dentro” foi clausurado esta mesma mañá coa presentación dun catálogo e dun vídeo-resumo.

O catálogo de “Camiño A Dentro” distribuirase nos concellos participatnes, nas oficinas de turismo e entre os colectivos relacionados coas rutas xacobeas. En canto ao vídeo, este está xa dispoñible na web de Turismo Rías Baixas.