CAMBADOS> Os alumnos do Instituto Ramón Cabanillas de Cambados, están preparados para salvar vidas. Os mozos participaron hoxe nunha xornada na que aprenderon as manobras básicas de primeiros auxilios. Tamén a manexa-lo desfibrilador do que dispoñen no centro. Como mestres actuaron hoxes técnicos de emerxencias do 061.
Pequenos xestos que poden salvar vidas. No instituto Ramón Cabanillas de Cambados a xornada de hoxe serviu para aprender as monobras básicas de primeiros auxilios.
A actividade serviu tamén para coñece-lo funcionamento dos desfibriladores. O centro conta con un dende hai tres anos grazas á iniciativa da ANPA Arcos de Fefiñáns. Hoxe, os mozos aprenderon que traballar con el é moi sinxelo.
Para a rapazada, as monobras de primeiros auxilios son tan útiles como sinxelas.
Nós aproveitamos para ver se estiveran atentos ás explicacións e, polo que nos contaron, abofé que si. Atendan a esta rapaza, que nos conta como actuar ante unha persoa atragoada.
Os técnicos de emerxencias participaron de xeito voluntario e altruísta.
