Ana Peleteiro proclámase Campioa de España en pista cuberta

BARBANZA> Ana Peleteiro proclamouse campioa de España de Triple Salto no Campionato de Pista Cuberta celebrado esta fin de semana. A atleta ribeirense quedou lonxe de facer marca persoal. Con molestias nun xeonllo, preferiu non arriscar para chegar en plenas condicións ós Xogos Olímpicos de Tokio.

Partía como favorita e non decepcionou. Ana Peleteiro fíxose co ouro no Campionato de España de Pista Cuberta celebrado esta fin de semana en Ourense. Foi este salto de 13,90 o que lle deu o título de campioa de España.

Aínda que non fixo marca persoal, este triunfo é moito máis especial para Ana, por competir na casa e sentir o calor da xente.

A partir de agora, e trala suspensión do Mundial por mor do Coronavirus, Ana Peleteiro estará centrada na súa carreira cara Tokio onde conta con serias opcións para conseguir medalla olímpica.