Unha foto da artista Uxía Gandarela ilustra o cartel da Semana Santa

NOIA> A fotógrafa  noiesa foi a gañadora do concurso de carteis,  que chega este ano a súa cuarta edición.

Das doce fotografías presentadas a concurso, o xurado decidiu escoller a realizada por Uxía Gandarela. A súa é a fotografía que ilustra xa o cartel da Semana Santa deste ano cuxos actos serán organizados por catro confrarías: a dos Dolores, a dos Nazarenos, a Terceira Orde Franciscana Segrar e a do Resucitado, a última en institurse.

Para a gañadora, fotógrafa afeccionada, o premio foi unha ledicia. Ligada e colaboradora dende sempre coas diferentes confrarías que organizan as procesións de Semana Santa na vila, decidiu presentarse ó concurso animada por amigos.

O cura-párroco de San Martiño, José Ortoño, aproveitou o acto para facerlle entrega tamén á gañadora, o cheque cos douscentos euros co que estaba dotado esta cuarta edición do concurso de carteis da Semana Santa de Noia