POBRA> Para festexar tan importante efeméride desenvolveuse un acto ó que foron convidados, ademais das autoridades locais, antigos profes e alumnos do colexio. O colexio Salustiano Rey Eiras celebra este ano o seu corenta aniversario. Con tal motivo, a dirección do centro, en colaboración coa Asociación de Nais e Pais de Alumnos, e a propia concellería de Cultura, preparou un amplo programa de actividades para conmemorar tal efeméride. Actividades que se foron desenvolvendo ó longo do presente curso. Aínda así, unha das máis importantes tiña lugar a última hora da tarde de onte ca casa de cultura da localidade e consistiu na presentación dun orixinal caderno viaxeiro no que se gardan diversas anédotas vividas no colexio ó longo destes corenta anos de historia e que foron recollidas de antigos alumnos, país e profesores do centro. Tamén se procedeu á elaboración dunha exposición que recolle fotografías e outros materias destes corenta anos de historia educativa. Unha mostra que permanecerá aberta ó público na casa de cultura Raquel Fernández Soler ata o próximo 26 de xuño.
Inicio BARBANZA