A Axencia Galega de Innovación destaca a aposta de Ecoplas polo I+D

POBRA> A directora da Axencia Galega de Innovación visitou esta mañá as instalacións da empresa Ecoplas Barbanza na Pobra. Patricia Argerey tivo ocasión de coñecer máis polo miúdo o plan de innovación da empresa para o que conmta cunha axuda do programa autonómico ‘Innova Pemes’.

A traxectoria de Ecoplas Barbanza, con sede na Pobra, avala o carácter innovador desta firma especializada na elaboración de mallas de diversos usos que dá servizo a máis de dous mil clientes. A directora da Axencia Galega de Innovación achegouse ata a planta emprazada no lugar de Ouxo para coñecer de primeira man os procesos de produción da empresa baseados nun desenvolvemento constante de políticas punteiras en I+D.

Patricia Argerey tivo ocasión ademais de coñecer tamén o plan de innovación para sistematizar tódolos procesos internos de cara a mellorar a eficiencia e optimizar os recursos.

Para o desenvolvemento deste plan Ecoplas é beneficiaria dunha axuda do programa Innova Peme. Esta convocatoria, dirixida a pequenas e medianas empresas interesadas en mellorar os procesos de innovación, estará aberta ata o 20 de abril.

DEIXAR UNHA RESPOSTA

Por favor, engade un comentario!
Por favor, engade o teu nome aquí