PONTEVEDRA> Un centenar de mulleres convértense estes días nas protagonistas da intervención artística “Inside Out: Mulleres [Rur]Urbanas”. Unha exposición dispoñible en diferentes puntos da cidade e que ten como obxectivo poñer en valor o traballo que fan no rural galego.
104 mulleres do rural galego protagonizan, dende hoxe, esta intervención artística enmarcada no 8M. Unha iniciativa titulada “Inside Out: Mulleres [Rur]Urbanas” e baseada no proxecto do artista francés JR. No proxecto colaboraron as estudantes de Belas Artes.
Este proxecto foi desenvolvido en máis de 140 países. Con el, preténdese reivindicar a importancia do rural galego e o papel que teñen as mulleres naqueles espazos reservados tradicionalmente para os homes.
As fotografías que conforman este proxecto están xa dispoñibles na Casa Consistorial, na Casa das Campás e na facultade de Belas Artes.
