BARBANZA> A pesar do reforzo dos controis e do endurecemento das sancións, temos que seguir a falarlles de novos incumprimentos das medidas decretadas polo estado de alarma.
A Garda Civil denunciou en Boiro a dúas persoas que bebían cervexa no aparcadoiro dun supermercado. Non foi a única incidencia destacada na comarca xa que os axentes identificaron tamén en Muros a un home que lavaba o seu coche na vía pública.
Non se trata de casos excepcionais posto que tan só na xornada do luns rexistráronse cento trinta infraccións na provincia da Coruña.