CORUÑA> A Deputación da Coruña pon en marcha unha campaña voluntaria de recadación de fondos para a investigación contra o coronavirus. Os funcionarios e responsables políticos poden realizar os seus donativos a través dunha conta bancaria habilitada a tal efecto.
Tanto os funcionarios da Deputación da Coruña como os membros da corporación provincial poden aportar o seu gran de area na loita contra o coronavirus. A administración provincial pon en marcha unha campaña de recadación de fondos para apoiar a investigación de vacinas e tratanebtis médicos fronte ó Covid-19 que están a desenvolver os equipos multidisciplinares da Universidade de Santiago. Con este fin, facilitou os datos dunha conta bancaria a todo o persoal para que podan realizar os seus donativos. Nestes días xa se rexistraron numerosas doazóns.
Por outra banda, o concello de Lousame está a tomar medidas para axilizar o pago ós proveedores e reducir as consecuencias da falla de liquidez. A corporación municipal aprobou dous recoñecementos extraxudiciais de crédito por valor de cento sesenta e sete mil euros para o pago de facturas presentadas en 2019. a intención do goberno local é envialo ó luns á Deputación para que poida ser publicado no Boletín Oficial da Provincia co fin de que se aboen as facturas antes de fin de mes.
