As catas online de Martín Códax conquistan o padal dos seus seguidores

CAMBADOS> O enoturismo mantén o pulso ó coronavirus. As adegas exploran novos xeitos de dar a coñece-los seus caldos. É o caso de Martín Códax, que se suma á retransmisión de catas a través das redes sociais. A iniciativa conta cun gran apoio por parte do público. Os vídeos, de feito, suman xa milleiros de reproducións.

As adegas de Rías Baixas exploran novos xeitos de visibiliza-los seus caldos. A crise sanitaria do coronavirus non impide seguir gozando dos viños da denominación de orixe. Iso si, agora a través de novos xeitos.

É o caso de Martín Códax, que a través das súa redes sociais, ofrece ós seus seguidores catas en directo.

As publicacións inclúen explicacións sobre a historia da adega, as características das parcelas onde están as vides e, por suposto, unha análide do viño, comezando pola fase visual.

A través das explicacións do sumiller, os seguidores poden facer na casa a súa propia cata seguindo, paso a paso, todo o proceso. Despois da fase visual, toca a olfativa e, por último, boca.

A iniciativa, que se emite os mércores ás 6 e media da tarde, conta cun gran apoio por parte do público. Os vídeos, de feito, suman xa milleiros de reproducións.