O SALNÉS> A Ruta do Viño Rías Baixas segue sumando recoñecementos. Acaba de facerse con dous galardóns no marco da sétima edición dos Premios de Enoturismo das Rutas do Viño de España. O proxecto de Enoturismo a pedais foi recoñecido como a Mellor Iniciativa Enoturística. Ademais, as Adegas Fillaboa, da Subzona do Condado do Tea, foi considerada como o Mellor Rincón Enoturístico.
A Ruta do Viño Rías Baixas volve estar de parabéns. Acaba de recibir dous galardóns nunha nova edición dos Premios de Enoturismo Rutas do Viño de España.
O primeiro dos recoñecementos foi para a proposta Enoturismo a pedais, que foi recoñecida como a Mellor Iniciativa Enoturística.
Nos últimos tempos este tipo de propostas van gañando máis e máis adeptos, grazas ao tirón do cicloturismo. Unha practica que mestura actividade física, paisaxe e patrimonio. Cada unha desas rutas conta cun vídeo promocional.
Máis alá deste proxecto de Enoturismo a pedais, a Ruta do Viño Rías Baixas fíxose con outro recoñecemento neses premios do enoturismo das rutas do viño de España. Trátase premio ao Mellor Rincón Enoturístico, que foi para a Adega Fillaboa.
Esta adega pertence á Subzona do Condado do Tea. Está situada en Salvaterra de Miño, entre os ríos Tea e Miño.
