As autocaravanas convírtense na mellor alternativa para viaxar este verán

[

PONTEVEDRA> O turismo este verán será moi distinto do que estamos acostumados. O medo a viaxar e a incerteza do que acontecerá leva a moitos a buscar novas alternativas para as súas vacacións. Unha opción que está en auxe para movernos este ano son as autocaravanas.

A crise do coronavirus xerou gran incerteza no sector turístico. Moitos aínda non se atreven a reservar viaxes para os vindeiros meses e outros buscan novas alternativas para facelo. Co obxectivo de tratar de fuxir das grandes aglomeracións e coa intención de poder gozar dunha tempada estival diferente, este tipo de vehículo converteuse na mellor opción. As autocaravanas veñen pisando forte de cara ao verán.

Tras meses encerrados nas nosas casas, quen se vai a resistir agora a poder moverse con tanta facilidade.

As opcións que teñen estes vehículos son infinitas. Nesta empresa pontevedresa ofrécense diferentes alternativas segundo as necesidades e gustos dos clientes.

Os prezos poden roldar entre os 90 euros e os 150 por noite. Un turismo diferente que chama a atención de moitas familias.

Todo parece indicar que este verán tocaranos descubrir o noso territorio nacional e, para iso, que mellor que subirse a unha autocaravana e gozar dun turismo máis sustentable e cheo de aventuras.