PONTEVEDRA> Luz verde ó plan económico e financeiro de Pontevedra, entre críticas da oposición. Saíu adiante cos votos a favor dos grupos de goberno, BNG e PSdeG, nun pleno marcado de novo polo coronavirus. De feito, houbo varios concelleiros que participaron de xeito telemático.
O documento do plan económico e financeiro aprobado hoxe tivo que ser elaborado despois de que o Concello incumprise a regra de gasto.
Un extremo que os grupos da oposición aproveitaron para critica-la xestión económica do bipartito.
Especialmente duras foron as críticas do PP. O seu voceiro entende que o executivo local non está a face-las cousas ben e que esta situación vai acabar provocando un incremento da presión fiscal.
