RIANXO> A cantidade recadada foi posible grazas á venda de rifas de lotes de regalos donados por diferentes casas comercias da comarca e tamén de camisetas asinadas por xogadores de Primeira e Segunda División.
Aínda que o Torneo este ano non chegou a celebrarse debido á crise da Covid-19, a organización do campionato de fútbol base para as categorías benxamín e alevín logrou recadar igualmente, a través da venda de rifas para o sorteo de lotes de regalos donadas por diferentes casas comerciais e empresas da comarca e camisetas asinadas por futbolistas de equipos que militan en Primeira e Segunda División uns 2.066 euros. Unha cantidade que xa foi ingresada na conta da Fundación Aladina, que presta o seu apoio a nenos e mozos enfermos de cancro.
Dende a organización do Torneo cun marcado carácter solidario xa traballan na vindeira edición, coas dúbidas aínda do lugar no que vai a celebrarse. Todo apunta a que podería repetir Rianxo pola implicación do Concello, pero tamén dependerá en boa medida do número de empresas colaboradoras que decidan implicarse no proxecto.
