BOIRO> Cabo de Cruz volverá converterse esta fin de semana en sede do remo coa celebración da sexta Bandeira de Traíñas Marina Cabo de Cruz – Concello de Boiro. Por primeira vez, disputarase tamén a Bandeira Feminina patrocinada por Jealsa Rianxeira.
A elite galega do remo darase cita este sábado no peirao de Cabo de Cruz coa celebración da sexta bandeira de traíñas que forma parte da liga galega.Por primeira vez disputarase tamén a bandeira galega de traíñas feminina Rianxeira que dará comezo ás cinco e media da tarde.
Os representantes das entidades patrocinadoras, Marina cabo de Cruz e Jealsa Rianxeira, estiveron presentes no acto de presentación das regatas,. para ratificar o seu apoio ó club que leva anos poñendo o nome de Cabo no mapa do Cantábrico Noroeste.
Dende o concello animaron ós cidadáns a acudir ás regatas para arroupar ás traíñas locais, sempre respectando os protocolos de seguridade que regulan os eventos deportivos.
