RIBEIRA> As confrarías de Ribeira, Aguiño e Palmeira demandan máis persoal para a capitanía marítima de Ribeira. O servizo aínda non está aberto de xeito presencial e tan só se pode despachar de xeito telemático dous días á semana.
A pesar de que a flota xa traballa con normalidade, a capitanía marítima de Ribeira continúa pechada ó público. tan só atende con cita previa, dous días á semana, cos consecuentes retrasos ante a gran cantidade de barcos que alí despachan.
Xa antes da pandemia, o sector viña demandando a asignación dun capitán marítimo para o distrito. Agora con máis urxencia posto que a situación empeorou.
As confrarías do municipio teñen previsto elevar as súas protestas á Dirección Xeral da Mariña Mercante para que asigne defintivamente un capitán marítimo.
