A POBRA> Os sete afortunados gañadores do primeiro sorteo de caramiñas da praza de abastos da Pobra recollían esta mañá os seus vales. Poderán trocalos nos distintos postos do mercado pobrense ata o día 24.
Un premio de 400 caramiñas, dous de 200 e catro de 100. Estes foron os vales entregado esta mañá ós gañadores do primeiro sorteo da praza de abastos da Pobra que ten por obxectivo dinamizar as compras no mercado e axudas ós consumidores a sufragar os menús deste Nadal.
Os vales poderán trocarse en calquera dos postos do mercado ata o próximo día 24 de decembro. De seguro que non será difícil atopar en que gastalos dada a ampla variedade de produtos de calidade que ofrecen.
Os que non resultaron agraciados aínda terán unha oportunidade no sorteo previsto para o vindeiro luns nos que se outorgarán outros tantos premios entre as compras realizadas ó longo desta semana na praza.
