PONTEVEDRA> Concentración en Pontevedra. Alumnos e pais do Sánchez Cantón volvéronse manifestar hoxe contra a semipresencialidade de bacharelato. A comunidade educativa síntese discriminada con respecto a outros centros da cidade e pide unha nova solución á Xunta de Galicia.
As familias e o alumnado do Sánchez Cantón continúan en pé de guerra. A comunidade educativa deste centro volveu concentrarse hoxe en Pontevedra para demostrar, unha vez máis, a súa oposición á semipresencialidade no bacharelato. Unha decisión da Xunta de Galicia que discrimina aos estudantes deste instituto.
Segundo a Xunta de Galicia, a decisión de que o bacharelato sexa semipresencial tomouse pola falta de espazo existente neste centro para garantir as medidas de seguridade. Aínda así, os pais e nais dos alumnos seguen insistindo en que o motivo principal foi a falla de profesorado.
Coa semipresencialidade, os estudantes ten 15 horas de clase presencial á semana. Nas 17 restantes, o alumnado debe realizar tarefas dende os seus domicilios. Polo tanto, nin sequera contan cunhas clases telemáticas.
Na concentración de hoxe, os pais e alumnos do Sánchez Cantón contaron tamén co apoio da comunidade educativa do Valle Inclán. Estes son os dous únicos institutos afectados en Pontevedra pola semipresencialidade en bacharelato.
