PONTEVEDRA> Os sindicatos sanitarios volveron a pedir hoxe a dimisión da directiva da área de Pontevedra e O Salnés. Fixérono nunha concentración ás portas do Hospital Provincial. Estes colectivos aseguran que se están a incumprir os protocolos derivados da Covid e esixen máis recursos para os traballadores.
Os sindicatos sanitarios esixen a dimisión da xerencia da área de Pontevedra e O Salnés. Estes colectivos aseguran que a situación dos traballadores desta área é preocupante e denuncian o aumento na incidencia acumulada neste sector.
Ademais de pedir a dimisión da xerencia, Cándido Sartier asegurou hoxe que nesta área non se están a cumprir os protocolos antiCovid marcados pola Xunta.
Os sindicatos volveron a poñer hoxe sobre a mesa a precariedade coa que están a traballar os sanitarios nos centros e denunciaron a falta de recursos para paliar a Covid.
Cándido Sartier aproveitou esta concentración para manifestar o seu malestar ante á pasividade da cidadanía, a quen pediu que mostre o seu rexeitamento pola actitude que está a adoptar o Sergas.
