Os reis magos contactarán por videochamada cos nenos e nenas de Meis

MEIS> Os reis magos conectarán por videochamada cos nenos e nenas de Meis. A iniciativa do concello busca alegrar o nadal aos máis cativos cumprindo coas medidas anti covid. Ademais o goberno local poñerá en marcha unha nova recollida de alimentos solidaria.

O concello de Meis adapta o seu nadal ás medidas anti covid. A situación actual impide a celebración da cabalgata de reis, pero como alternativa, o concello conectará por videochamada con todos aqueles nenos e nenas que o soliciten.

O concello busca con esta medida que os máis pequenos non perdan ilusión. Conscientes de que moitas familias non teñen un bo acceso á internet. Un paxe cunha tablet percorrerá as casa dos que teñan dificultades para contactar por vídeochamada cos reis.

Dende o concello tamén sons conscientes das necesidades que pasan moitas familias debido á situación actual na que nos atopamos. Por elo, para que ninguén pase un mal nadal en Meis, o concello pon en marcha unha nova recollida de alimentos solidaria.

O concello tamén mercará xoguetes novos para agasallar aos nenos e nenas daquelas familias que teñan máis dificultades. Todas aquelas familias interesadas en formar parte de calquera das iniciativas poderán inscribirse de forma online ou contactando coa concellería de servizos sociais.

DEIXAR UNHA RESPOSTA

Por favor, engade un comentario!
Por favor, engade o teu nome aquí