PONTEVEDRA> Pontevedra inaugurou hoxe o Culturgal, a maior Feira de Industriais Culturais de Galicia. Aproveitando esta celebración, o conselleiro Román Rodríguez quixo presentar na Boa Vila unha nova campaña cultural da Xunta de Galicia. Con ela, búscase fomentar o consumo neste sector entre toda a cidadanía.
“Fomentar o consumo de produtos culturais”, ese é o obxectivo desta nova campaña da Xunta de Galicia. Un programa que se desenvolverá ata o mes de xaneiro e que está enmarcado no Plan de reactivación cultural da administración autonómica.
Coa intención de chegar a toda a cidadanía, esta campaña difundirase a través de tres canais. Ademais de estar presente na rúa e nos diferentes medios de comunicación, as redes sociais terán tamén un papel fundamental nesta iniciativa.
A Xunta de Galicia quere favorecer así á recuperación e reactivación de todos os sectores culturais, en especial de cara ao Nadal. Por iso, nesta campaña participarán tamén algunhas das caras máis recoñecidas dentro do panorama cultural galego.